2026 жылдың 3 ақпанында «Сарыкөл» шағын жинақты негізгі орта мектеп» КММ-де
5–9 сынып оқушыларына арналған нашақорлықтың алдын алу және жастарды зиянды әдеттерден сақтандыру мақсатында маңызды тәрбиелік іс-шара өтті.
Іс-шара аясында «Закладчики. Мать» атты деректі фильм көрсетіліп, оқушыларға:
есірткі тасымалдау мен таратуға қатысудың ауыр қылмыстық жауапкершілікке әкелетіні;
бір ғана қате шешімнің адамның өзіне ғана емес, ата-анасы мен жақындарына да орны толмас зардап әкелетіні;
құқықтық сауаттылықтың маңызы
нақты мысалдар арқылы түсіндірілді.
Фильм көрсетілімінен кейін оқушылармен ашық пікір алмасу ұйымдастырылды. Оқушылар өз ойларымен бөлісіп, «оңай табыс» деп саналатын әрекеттердің артында қайғылы тағдырлар мен өкініш жатқанын терең түсінгендерін айтты.
Мұндай іс-шаралар жасөспірімдерді дұрыс таңдау жасауға, заңды құрметтеуге және салауатты өмір салтын ұстануға тәрбиелейді.
