Түркістан облысы Отырар ауданы "Сарыкөл" шағын жинақты негізгі орта мектеп" коммуналдық мемлекеттік мекемесінде Ғ.Орыновтың 08.09.2025жылғы хаттамалық тапсырмасына сәйкес кәмелетке толмағандар арасында өз-өзіне қол жұмсау жағдайының алдын алу мақсатында апталық іс-шара өтілді. 5-6 сыныптар арасында сынып жетекшілері Ы.Серікбай мен М.Смайлова " дос болу-тірек болу. Көмек сұрау-әлсіздік емес, даналық" тақырыбында практикалық сабақ өтілді.
*Сабақтың мақсаты:*
Оқушыларға достық ұғымының мәнін түсіндіру, нағыз достың қасиеттерін анықтау, өзара сыйластық пен сенімді қарым-қатынас қалыптастыруға тәрбиелеу.
*Міндеттері:*
- Достық туралы түсінік беру;
- Шынайы дос пен жалған достың айырмашылығын ажыратуға үйрету;
- Оқушылар арасында бірлік пен ынтымақтастықты нығайту;
- Қиын жағдайда досқа қолдау көрсетуге бағыттау.
Бүгінгі практикалық сабағымыз достық пен қарым-қатынастың маңыздылығына арналды. Балалар шынайы достықтың, бір-бірін қолдаудың, түсінудің адам өміріндегі алар орнын терең ұғынды.
*Оқушылардың пікірі:*
*Диас (6-сынып):*
«Нағыз дос – сен қуанғанда бірге күлетін емес, сен жылағанда иығын тосатын адам.»
*Айсезім (6-сынып):*
«Кейде ішкі ойыңды бөлісу үшін бір досыңның үнсіз тыңдағаны жеткілікті.»
*Жазира (6-сынып):*
«Көмек сұраудан ұялмайық, өйткені әрбір адамға кейде демеу керек.»
Бала жүрегіне мейірім мен сенім ұялататын осындай сәттер – тәрбие негізі!
#ДостықКүні #ҚарымҚатынасКүні #СыныпСағаты #6сынып #МектепТіршілігі #ДосБолуТірекБолу
